نادي على محبينك
ردي عليهم يا سكر
نادي وجاوبي ولو نظره
ده النظره من عينك قادره
تشفي العليل وتجيب فرحه
ردي ولو حتى ببسمه
البسمه من وشك رحمه
تطمن القلب الحيران
تسعد حزين لو كان تعبان
حني على سهران الليل
حني عليه ده بيقول موواويل
حني عليه واسمعي منه
جايز تردي عليه بكلمه
عمال يقول فيكي الأشعار
حبه ومشاعره بتكتب نار
وحروفه من كتر لهيبها
حرقت ايدين اللي كاتبها
لا لقى لعيونك حل بديل
ولا فيه لحبك سحر يشيل
صورتك من القلب يا قادره
لف البلاد يسال ويشوف
يمكن يلاقي في بلد السند
او حتى يمكن بلد الهند
ترياق يخفف من حبه
ويداوي قلبه المتعور
كل الأطبا اجتمعوا براي
دواك وسحرك ونجاتك
لمسة ايديها بخفه وحب
تلمس جبينك ودراعك
لو تحضنك تكفيك العمر
حني عليه بس بنظره
علشان يقوم ويشوف عمره
بدل ما يدفن عمره معاه
مستني يوم عينك تلقاه
ترميله رمش قديم مكسور
علشان في قلبه هيبني بيه سور
يمنع دخول انسان او جان
ملكتي قلبه وعمره يا بنت
حرام عليكي ليه بس العند
قال جايه دلوقتي بتضحك
وتقول بريئه وعمري ما كنت
جنيه بسحر او بشغل
انا بنت غلبانه بريئه
لا ليا دعوه بهند وسند
ولا فاضيه اديله دقيقه
من عمري اللي انا قدمته
لحبيبي في جزيره بعيده
ملكي ومولايا حبيبي
6 comments:
السلام عليكم
كلماتك جميلة
ورائعة
ذكرتنا بلفي البلاد يا صبية
من عمري اللي انا قدمته
لحبيبي في جزيره بعيده
ملكي ومولايا حبيبي
حلوة موووووووووت
يسلموووو ياهيبو
بس على فكرة يافندم
انا مش مختفيه انت اللى اختفيت
هو اللى بيبقو داخلين على جواز بيختفو كدة
انا كتبت كمان كتير ردا على سؤالك فين الجديد
بس فى شقوة قلم
وانت بتدخل اهات عاشقة
انت اصلا مش كلفت نفسك تفتح البروفايل وتدخل على المدونة التانية كنت عرفت ان فيه جديد
ويالله امشى بئى انا مخمثاك
حلوه القصيده
وهي في الحقيقه بنت بسيطه وطيبه لكن خيال الحبيب أحاطها بهالة كبيره بسبب عدم تجاوبها معه
لنها عاشقه
ولايهمها سوى الحبيب الذي ملك القلب
وحشتني كتاباتك يا شنكت بيه
أنت بكدة سبت تعليق علي كل بوست عندي !!!
أيوة أنا ميمي اللي هيا ميمي
وكلمة السر "دندن"
مبروك الخطوبة وعقبالي يارب
وسلامي لكل الشبراوية
نورتني تاني
,,, الشنكوتى الكبير
خاطرتك
غدت امسية يومي
.. امسية يتخللها السكون والبوح تاره
... وتارة أخرى
.. تدفعني للتعبير عن مملكةالعشاااق
.. التى طرقت بابها بالامس القريب
وعدت اليها بكلماتك ..
وقد حفلت بباقات الورد الاحمر
. وعطور الهند والسند
.
عزيزي ,,,ايهاب
لا اقول ابدعت
فالابداع هنا واضح وجلى
ولكن اقول زدنا
من عطائك الذي يبهر قلوبنا ..
.. قبل أعيننا
,,, إيهاب
تقبل مداخلتى ..
. ومرورى المتواضع
أينَ ؟
Post a Comment