زهرة النار
عارفين يعني ايه زهرة النار
يعني شخصيه زي زهرة النار بالظبط
لون خرافي غريب
لمعة تخطف اي قلب
ضحكه تنزع كل عقل
رقه تخطف كل قلب
بس يا خساره مش امان
نارها تحرق اي حد
لو تقرب منها تخطفك
لو تحب تحطها
في ايديك ثواني
تلسعك او تحرقك
لمعة في عينيك تعجبك
لو تقرب تلتمس نظره بريئه
بس لو قلبك جريء
مد يادك ناحية الزهره العجيبه
تقتلك
بعيون بريئه
صوتها عالي بشكل يخنق
اصله مش عالي زي طبل
صوتها عالي لأنه مرعب
صوتها عالي لأنه حق
بس لو كانت تغير
طبعها وتخف حبه
من الزعيق وكده والخناق
بس لو كانت تبطل تبهر الكل بجمالها
بلون عيونها
وشعرها المنكوش في حالة مش بريئه لكن رقيقه
والخلاصه يا صاحبي هي
انها زهره ناريه
ليها اضرارها ونفعها
لا تفارقها ولا تصاحبها
خلي قلبك يرشدك
لو صحيح حسيته خايف منها
ابعد وسيبها
لو لقيته محتاجلها اقرب وجيبها
ومن شعورها جرها
وسيبك بقى من نخعها
وتهديداتها
لو صحيح حسيت بحب
حبها
اصلها وبرغم نارها
لو تحب هتطفي نارها عشان حبيبها
6 comments:
اللهى تقع تحت ايدها عن قريب
علشان تعرفك ان الله حق
وهى مين دى اللى تجبها من شعرها مش لما يبقى عندها شعر
الا مين هى دى يا ايهاب
ومن شعورها جرها
معندناش ستات تتجر من شعرها ياسى ايهاب ااااه
كل الزهور لها رائحة ذكية لكن فيها شوك تحميها
جميل المعنى
الرجل الاسد
انسان الغاب طويل الناب
عارفه
بتاع اللوحات القديمة ده
اللى كان يبان لابس حاجة مغطية نص جسمة بس
وبياكل اللحمة نيه
وبيجيب بعلولته من شعرها
وهى منبسطة كدة وحاسة ان اسد بيشدها
عثثثثثل والله
عجبتنى الفكرة
طريقتك فى الكتابه حلوة اوى ومنظمة ومخرجة الفكرة زى البورتريه اللى قولتلك عليه فوق
تقبل مرورى الاول وليس الاخير ان شاء الله
ملكة بحجابى
ملكة بحجابى
انا عجبانى الكلمات وعاجبنى الصورة اللى انت حاطتها مع البوست
الحتة بتاعة
شعرها منكوش فى كل حتة
بطريقة مش بريئة بس رقيقة
عاجبتنى اوى
مش عارفة ليه جه فى دماغى
شخصية كارمن الغجرية
حسيت انها هى نفسها زهرة النار
سلام
اختك خيخة
رغم ان النار قد تفيد وقد تضر لكننا في الاخر نحبها ولا نقوى بعادها
ولكن لا يبقى غير ان نقول ان الانسان يسير على حافة الموس ومن تحته نار
في يده اليمني حسناته و يده اليسري ذنوبه
اذا اختل توازنه سيقع
في النار
يالا شقاءك يا بني آدم
Post a Comment