Monday, May 28, 2007


مش عارف اقول ايه على موضوع العلاقه بين الراجل والست الناس اتكلمت في الموضوع ده لما خربوه كتابه بس انا شايف انه بما انهم لسه بيكتبوا يبقوا لسه ما وصلوش لحل

تلاقي العمليه كده ملعبكه وملخبطه خالص طول الوقت

واسئله كتير قوي بنسألها لنفسنا انا هاختار سؤالين اتنين المره دي عشان نفكر فيهم انا مش هاطول في الإجابه انا بس هاقول رأيي وعايزكوا تقولوا رأيكوابرده

السؤال الأول :هل ممكن ان الصداقه تتحول الى حب؟

السؤال الثاني:هل يمكن ان يتحول الحب الى صداقه؟

انا شايف ان الصداقه ممكن تتحول الى حب وده شيء اكيد وجميل جدا وبيعمل علاقه هايله لأنه من الأساس التفاهم موجود والعشره والموده موجودين والصديق دايما بيكون ادرى واحد بهموم صاحبه وطباعه وظروفه وبالتالي بيكونوا اكتر حبيبين معندهمش مشكلة "اصله مش فاهم وضعي" او اصلها مش حاسه بظروفي" الأثنين بيكونوا عارفين بعض كويس وحتى في العلاقه الحسيه تلاقي انهم سهل يهزروا مع بعض بكلام خاص شويه وبالتالي بتكون رهبة العلاقه اخف يعني يقدروا يلاقوا لغة حوار لكن مفيش حاجه كامله في الدنيا لأن الصاحب ساعات بيكون عارف حاجات مينفعش حبيبك او حبيبتك يعرفها مثلا جرح قديم عايز تنساه علاقه عابره بتخلصها وحاجات كتير بنتكسف نعرفها لأحبابنا وممكن نصارح بيها اصحابنا وفيه عيب مهم انك بتخسر واحد من الأصحاب اللي بقى صعب قوي نلاقيهم دلوقت


السؤال التاني ان ممكن الحب يتحول صداقه انا شايف ان ده صعب جدا جدا جدا وفي حالات نادره يعني يكون الأتنين اصلا مش بيحبوا بعض لكن كانوا بيجربوا ولأننا عاطفيين بطبعنا فده صعب جدا لأن اي علاقة حب بتنتهي لازم على الأقل يكون فيه قلب انكسر او انجرح ده اذا مكانش الأتنين انجرحوا ده غير ان ازاي الشخص اللي كنت بتحلم يوم تضمه بين ايديك دلوقتي يبقى مجرد صديق عادي مشاعرك ناحيته زي مشاعرك ناحية اخوك ولو يوم فكر يتجوز ازاي تقدر تقف في الفرح وتشوفه في احضان حد تاني مش عارف انتوا رأيكوا ايه

اللي يعرف يقولي وانا هابقى اديله حته من السمك اللي نبض اسكندريه هاتجيبهولي

تحياتي الى كل صديق والى كل عاشق

8 comments:

Mirage said...

هو انا هقوللك على حاجة

مسألة ان الصداقة تتحول لحب دى واردة جدا جدا جدا وبتحصل كتير كمان

بس كون ان صداقة ترجع تانى لحب دى مستحيلة اصلا

حتى ولو كانت قصة الحب انتهت والمسمى انهم اصحاب فهم فى الواقع مش اصحاب ولاحاجة بس بيقولوا كده عشان يبقى فى علاقة طيبة بينهم
لكن اكيد اى قصة حب بتنتهى بتسيب جراح كتير مينفعش يتبنى عليها صداقة

Ehab said...

ميراج
كده انتمعايا في كلامي مش بقولك احنا هانعمل تيم يدهول الدنيا يا ريس
وبعدين عملت ايه في مشروع الجامعه بتاعتنا
سلاااااااااااااااااااااااااام

Doba said...

تمنياتى بالتوفيق بمشروع الجامعة الخاصة بتاعتكو ..........هبلغ عنكو

انا معاكو فى رأيكو بصراحة.....اه فعلا الصداقة بتعمل علاقة زوجية هايلة من كل الجوانب.......لكن الحب أعتقد فى منتهى منتهى الصعوبة انه يتحول لصداقة

عارف فيلم عن العشق والهوى لما احمد السقا قال لمن زكى انا مبسوط اننا رجعنا اصحاب تانى

وقالتله مينفعش نبقى اصحاب... لأننا مكوناش أصحاب اولانى

هو ده بالظبط.........حقيقى مينفعشى ولو نفع بيبقى لكل واحد غرض فى نفسه مش قادر يطلعه وبرده بتنتهى العلاقة بشكل غير صحى تماما

يارب أكون قدرت أجاوب صح علشان هموت واجى عزومة السمك.......هههههههههه

على فكرة انت حقيقى مدونتك كل مادا بتزداد جمال وخفة ودلع وكلام من ده

سلامى وتحياتى....وعليا سلطة الطحينة يا عم

هبة

Ehab said...

دوبه هبهوبه
يا خراشي يا خراشي مش عارف يا ولاد اقول ايه جما وخفه ودلع يا حلولي يا حلولي
تسلميلي يا هبهوب بس اوعي يا فالحه تبلغي عن الجامعه بتاعتنا لحسن اروح انا و الواد في الكازوزه
ومتلاقيش شناكيت تاني من بعدي اهيئ اهيئ
ما علينا انا ليه واحد صاحبي يعرف واحد قريبه امين شرطه ممكن ينفع واسطه كويسه ويلحقني من السجن
وبخصوص السمك خلاص اتفقنا انتي تجيبي الطحينه والسكندرانيه تجيب السمك وانا هاخلي ماما تعملكوا شوية رز من بتاع السمك ده وانا عليا اكل واشبع
هههههههههههههههههههههههههه
نورتي يا سكره
ببعتلك على ايميلك حاجات تضحك يارب تكون بتوصلك
سلااااااااااااااااااااااااااام

Doba said...

عليك تاكل وتشبع

ده انت هتعمل مجهود جباااااااااااااااااااار

الله يكون فى عونك......بس سيبك رز مامتك هيبقى حلو قوى.......شكلنا هناكل الاكل كله وانت لا.....هههههههه

اه الحاجات بتوصلى شكرا جزيلا
سلاموز

Ehab said...

يعني يا دوبه عشان انا بحبك وبقول هاديكي حته من الأكل تقومي تهفي السمك كله لوحدك وانا اللي كنت ناوي اديكي كمان موزايهه بعد الأكل عشان تحلي بيها
هههههههههههههههههههه
الف هنا وشفا ليكي يا سكره بس ايه رأيك في الإيميلات حاجات فقريه
ابعتيلي ايميل فيه حتة حلاوه طحينيه مثلا
سلاااااااااااااااااااااام

mimaya said...

علشان نبقي اصحاب يا شنكوتي بيه ، لازم اقول رأيي بصراحة ، لا يممكن الحب يبقي صداقة بس يمكن للصداقة تقلب حب ....الحب حب م الاول ومكنش صداقة بس كان اعجاب واهتمام ، فهمتني ؟

Ehab said...

فهمتك طبعا
هو ده رأيي
الحاله الوحيده اللي ممكن تتحول فيها الحب الى صداقه انه يكون اعجاب مش حب من الأساس
تعليق جامد وانت كده فهمتني
تحياتي
سلااااااااااااااااام