Sunday, May 20, 2007

تابع ولا غنى عن القبلات

انا قررت اكتب البوست وخلاص اللي يحصل يحصل هي Doba
اللي شجعتني لما سالت
المهم انا كل اللي عايز اقوله ان انا ليا رأي صغير في موضوع القبلات دي وهي اني بعشق حاجه اسمها قبلات وانا شايف ان اعلى نقطه في العلاقه الجسديه هي القبله وان كانت ليها انواع كتير هاحاول اقول اللي اعرفه منها
طبعا اشهر والذ قبله هي french kiss
ودي اقوى انواع القبلات ويستخدم فيها كل الأسلحه اللي عندك (شفايف لسان سنان ايدك لعابك ) طبعا بتقولوا ايه القرف ده وايه السفاله دي لكن هم الفرنسويين كده دايما منيلين الدنيا ومع ذلك مشهورين بالرومانسيه والحساسيه
وفيه قبله حنينه على الخد لما تكون تعبان قوي وحبيبتك عايزه تخفف عنك تقوم مدياك حاجه على خدك كده وتبقى عامل زي العبيط مش فاهم حاجه بس مبسوط قوي
وفيه قبله خطف ودي نوعين اما انك عايز تخطفها عشان حبيبك مش عايز يديهالك او انه موافق بس مكسوف فيديهالك كده في ثانيه وبرده تبقى عامل زي العبيط ومش فاهم حاجه بس مبسوط
وفي بوسه على الخد وساعات بتبقى جميييييييييييييييييييييييله جدا لدرجة انك تقعد تملس على خدك لما توقع الجلد من عليه
وفي بوسه على الإيد ايوه ملمس الشفايف على اليد بيكون عجيب قوي
حاجه تانيه عايز اقوله ان اصل كل حاجه في الحب عامة هي القبله يعني مثلا الحضن ما هو الا قبله بس من جسد لجسد
ولمسة اليد هي برده شوية صوابع بيبوسوا بعض
وحتى نظرة العين ممكن تكون بوسه بس ميزة العين انها تبوس في اي حته وطبعا النظره لما تيجي في النظره بيبوسوا بعض
يعني من الآخر الموضوع كله بوس في بوس
ادعولي اني اتجوز وابوس بقى
ايوهه عايز كل واحد فيكوا يبعتلي صورة بوسه عجبته قوي وحسها

4 comments:

شادي فايد said...

هههههههههههههههه

لالالالالالالالالالا
انا مليش دعوة
انا بتكسف
:)
:)
-------------------------
بعيدا عن القبلات
انت ليه حاطط لينك
وينكي
على اسم
Doba
؟؟؟

Doba said...

اينعم انا سألت ازاى يعنى بس مش يبقى الرد للدرجة دى

كسفتنا يا اخى
بس عموما مدونة جميلة ومعبرة......ويارب تتجوز بقى غ علشان نخلص منك

سلام يا فضيحة

Doba said...

وكمان حاطط لينك مش بتاعى.......الله يسامحك

اهىء اهىء

الشنكوتي الكبير said...

يا لهوي على الكسفه اللي انا فيها
يعني اول مره في حياتي اجرب اعمل حكاية اللينك دي تقوم تطلع غلط واطلع احول كمان سامحيني يا هبهوب
انا هاصلح الحوسه دي
________________________________
وبعدين وماله لما اطلع شويه من بركان الكلام اللي جوايا انتي اللي نكشتيني الأول وسألتي وبعدين ده كفايه ان شادي منور صفحة الكومنت عندي اخيرا