Wednesday, May 23, 2007

انا لا اهتم بُأذنيك

اردت ان اقول بعض الكلمات الى من احب قلبي ولكني اعلم انها ربما لن تقراها ابدا ولكني اردت ان اخرج ما في صدري
انك الأن تتسائلين دائما عن سر تغيري ولماذا لم اعد كالماضي اتكلم بكلام الحب واشعاره طوال الوقت واخبرك عن مدى لوعتي وعن اشواقي وعن مكانتك وكل ما كنت ابرع دائما في ان ارسم البسمه على وجهك واحيانا الخجل ايضا بقوله
لعلك تظنين اني قد قل حبي او ضعفت اشواقي وهدا بركان مشاعري بعد ان فاض بكل ما كان يغلي فيه
لا يا عزيزتي ليس هذا هو السر انا لا اعرف كيف اصيغ لك هذا الأمر ولكني اصبحت احبك اكثر
في البدايه كنت اقول كلاما وكلاما وكلاما عن حبي لك لكني لم اعد اشعر ان هذا الكلام يساوي شيء انا اريد ان اقدم لكي ما هو افضل من الكلمات اريد ان يكون حبي لكي بالأفعال وليس مجرد كلام حلو اريد ان يكون قلبك هو من يسمع كلماتي انا لا اهتم بأذنيك الأن
انا بعد كل هذا الوقت لم يعد بإستطاعتي ان افتعل كلمه او اقتبس من على لسان المطربين او الشعراء كلمات قد لا افهم معناها
انا في الماضي كنت اقول اني لو فقدتك سوف اضيع ولكني لم اكن اعرف معنى الضياع الذي اتحدث عنه فقط كنت اعرف ان خسارتي ستكون كبيره اما الآن فقد عرفت ما معنى ان يضيع رجل انا اللآن اعرف ماذا سيحدث لي لو فقدتك
انا لن احب ابدا بعدك وسأخون كل من ائتمنني وسأغدر بكل من وثق بي وسأدنس كل ما تطول يداي وسأغتصب كل ما ليس من حقي
اذا خسرتك فسأجعل كل من يلمسني يخسر
تتسائلين كثيرا لم الحزن والغضب دائما في عينيك
لأني يا حبيبتي في معركة انا لن اتخلى عن قلعتي وعن حصوني فانت قلعتي وحصوني لن اهزم لن اسقط لن اتراجع سيظل سيفي في يدي ولأني في قلب معركة فليس هناك وقت للضحكات والإبتسامات
ولعل غضبي وكآبة النظرة في عيني ترهب كل من يجرؤ ان يحول بيني وبينك
ولكني اعدك اني يوم انتصر في حربي والقاكي سأغسل قلبي من الحقد والغل في شواطيء عينيك
وساستعيد الأمان في قلبي من قلبك
وسأعود لأهتم بأذنيك
اما الآن فأنا لا اهتم بأذنيك

8 comments:

Doba said...

صباحك فل
جميلة قوى قوى حقيقى

انا عندى بس تعليق بسيط وهو
أولا: البنت مهما حصل ومهما كان احساسك ايه محتاجة دائما وابدا انها تسمع منك كلمات حلوة المرأة بطبعها محبة جدا للحب فلازم تسمه بحبك علشان تدوب فى الحب أكتر

ثانياً: الواحد لما بيتجرح اه بيتعب قوى لكن مش معنى كده انه ينقلب فى جميع تصرفاته 180 درجة لازم زى مالواحد بيحب وواقف على ارض صلبة يتنيه على نفس الأرض بعد ميمشى مش معنى ان واحدة ممكن تغلط أو تخون يبقى نطلع كل الحقد والأذى لكل البشر من الآخر كده ملهمشى ذنب

ثالثاً الواحد كل مبيزرع حب أكيد هيلاقى حب لو من الشخص ده أكيد ربنا شايلك انسان احلى علشان يكون أقرب وأغلى وتحقق معاه كل السعادة والهنا

تحياتى وأمنياتى.......هبة

Ehab said...

الى العزيزه هوبه
مين قال اني قصدت ان هي اللي هتخوني
انا اقصد اللي بيحاولوا ياخدوا حبيبي مني يعني لو انتصروا عليا واخدوه فانا هاهدم مجتمعهم كله على دماغهم
لأن فيه حاجات لو ضاعت نضيع وعلى مبدأ انا ومن بعدي الطوفان
لازم اللي هزموني يخسروا كتير قوي لأن لو هي راحت يبقى مفيش حد يساوي اني ارحمه
وسامحيني على عنف كلامي
لو جربتي تخطفي كلب صغير من امه في الشارع شوفي ممكن تعمل فيكي ايه
وانتي تعرفي انا قصدي ايه
وبعدين لو اللي انتي فهمتيه هو اللي حصل ساعتها مش هاضيع انا هانهار يعني مش هايبقى في مني ضرر
بس اكيد هاضر نفسي بس
_____________________________
وبعدين كاتبه لا تعليق على قصة ميراج ليه دي حلوه قوي
شكله كده واد منحرف زيي
وانا كنت بحسبه بنت وكتبتله الرد على انه بنت
انا متاكد ان حالة الحول اللي عندي ليها علاج
البوست بتاعك الجديد حلو قوي
شاطره يا دوبه
سلااااااااااااااااااااااااااااام
ومحبه وشوق وخضار

Doba said...

كتبتله لا تعليق لانى بصراحة مش بحب الاسفاف بالطريقة دى، الواحد بدل ميكتب حاجة الكل يستفاد منها او توجه بشكل كويس بحط تفكير منحرف حتى ولو على سبيل القصة

الشيطان بقى كبير قوى فى مجتمعنا ومش المفروض ان كل حاجة مكتوبة نقول عليها برافو وهايلة المهم الواحد استفاد فعلا منها ولا لا

انا قريت حاجات عند وينكى جميلة زى كيفك انت وحاجات تانية وبرايد كمان

حقيقى مش لازم نلعب بالعواطف والشهوات علشان نلفت النظر

كلمة أخيرة----لما حد يكون عائق بينك وبين حبيبتك تأكد ان ربنا باعتهم سبب لأنها مش ليك ومش هيه اللى هتكمل معاها سعادتك ولما تكون بتضرهم فانت اللى بتتضر بأنك تاخد سيئات أكتر بدل متقف وقفة حق وتدوس عاللى فات وتخطو خطوات ثابتة لتحقيق مستقبل أفضل ومقابلة الشخصية اللى ربنا كاتبهالك

تمنياتى بتحقيق كل أحلامك
سلام

Ehab said...
This comment has been removed by the author.
Ehab said...

سامحيني يا دوبه عشان عملت حاجه انا مش بحبها اني افرض على الناس حاجه عجبتني واطالبهم انهم يحبوها مع ان ده مش من حقي
لكن انتي طيبه وعارفه اني قلبي ابيض واصلا مش فاهم حاجه في اي حاجه
لكن القصه يا هبهوب جتلي في وقت كنت شوفت قدام عيني موقف خلاني احتقر بنت معينه وكنت غضبان جدا مع انها متعنيش ليه اي حاجه ومفيش بينا اي سابق معرفه لكن انا اتغظت وخلاص فكانت القصه دي هي النفخه اللي مقدرتش انفخها انا او بصوره اخرى هي الشتيمه اللي مشتمتهاش بيها
يعني تقدري تقولي ان اللي عجبني هو مجيئها في الوقت ده
لكن معلش حصل خير
وان كنت برده عايز اقولك اني ساعات بحب القصص اللي فيه اسفاف
هو يعني ايه اسفاف؟؟؟؟؟
_______________________________
اما بخصوص الموضوع التاني فربنا إنشاء الله هايسهل انا حاسس بكده بس انتي ادعيلنا بضمير
سلاااااااااااااااااااااااااام

لــــيــــالـــــــى said...

انا ضيفة جديد اذا اردت صداقتى ستذيد حياتى سعادة واذا رفضت ستسعدنى مجرد زيارتك

mimaya said...

صديقي العزيز ،، اسمحلي انال شرف صداقتك ،، انا حاسة بيك جدا ،، احيانا بكتب اشعار وكلمات ممكن من حلاوتها تاخد جوايز ،، بس مسيرها في الاخر اقرب صفيحة زبالة ،، علشان مش هيقراها حبيبي ، بس برافو عليك هتشجعني اكتب واكتب مش لحد ،، لنفسي انا ،،، سلامي ختامي ، سادعوك لزيارتي قريبا ان شاء الله

Ehab said...

تنالي شرف صداقتي
انتي بتحرجيني كده
انا يا ستي اللي يسعدني ويشرفني اننا نكون اصدقاء وفعلا ياريت تسمحيلي اشوف مدونتك انا بقيت مشتاق جدا ليها
واوعي ترمي حاجه من الأشعار صدقيني اللحظات اللي بنكتب فيها كلمه حلوه قليله جدا مترميهاش في لحظة ضعف تحياتي وامنياتي بالسعاده
اوعي تنسي تبعتيلي الدعوه
سلااااااااااااااااااااااااااام