Wednesday, January 28, 2009

بحلم لبكره






صحي من النوم على صوت المنبه
ميعاد الشغل بدري قوي – كلمه قالها لنفسه وهو بيقوم من السرير
التفت ناحيتها بعينه لقاها غرقانه في النوم
قام من السرير راح الحمام واتوضا وصلى الفجر وبدأ يلبس هدومه فجأه حست بيه لما فتح النور
قلقت من النوم وسالته والنوم مالي حروفها وعيونها هي الساعه كام دلوقتي
ضحك وقالها الساعه لسه بدري قوي عليكي نامي بس انتي
قامت من السرير وهي بتضحك وقالتله استنى بس هاعملك حاجه تفطر بيها
دخلت المطبخ وغابت شويه ورجعت في ايدها كيكه من بتاعة امبارح وكوباية لبن
طيب وانتي مش هتاكلي حاجه
لااااااا انا لسه بدري على ما افطر كل انت علشان تروح الشغل
وقعدت على السرير وهوووب كانت في سابع نومه تاني
كمل لبسه وفطر بسرعه ونزل راح شغله

عدى اليوم عادي خالص
وبالليل قعدوا يتفرجوا على الفيلم في التلفزيون هو عنيه نامت خلاص وهي لسه قدامها سهره طويله
قعدت تهزر وتصحيه وهو كان خلاص سلم النمر واداها قالتله تعالى نام جوه علشان متبردش
بصلها بنص عين وقالها لأ هنام هنا احلى ورمى راسه في حضنها ونام
سرحت مع الفيلم وايدها بتملس على شعره
واليوم عدى زي ايام كتير شبه بعض
بس المهم انها كانت ايام حلوه قوي

15 comments:

Soooo said...

يابن الايه ياد انت
حلوه قويييييييييي

بسيطه وسهله وبتقول حالة حلوه
يا راجل ده انا حاسس اني انا اللي نمت على حجرها وحاسس بايدها بتلعب في قرعتي
!!!




سلامووووووووووز

princess said...

حلوة اوى
ايه الغياب ده؟؟:)
تحياتى

kochia said...

حلوة وحساسة جدا
تحياتي

shahy said...

اقولك كلمة في دنك

انت بتوصف حالي بالضبط في اول الزواج وقبل لما اخلف التلات قرود

تحياتي ياشنكوتي بية

shahy said...

نسيت اسلم عليك

ازيك ياشنكوتي عامل اية؟
واية اخبار بنات شبرا؟
سلملي عليهم كتير

Lyssandra said...
This comment has been removed by the author.
Lyssandra said...

ويارب دايماً تفضل حلوة أوي

:)

...

عجبتني بجد

بقالي كتيييييييير مش جيت هنا

ياريت مش تتأخر كتير في التدوينات هنا
الفضفضه هنا مريحه أوي

:)

...

دمت بكل ود

أختك
Lyssa

دعاء مواجهات said...

جميلة اوى ياهوبا
على البساطة اللى فيها على اد جمال المشاعر وعمق الاحساس

بجد مش لاقية كلام يوصف
======================
انتظر قريبا بوست خاص عن اهم الشخصيات لاتدوينية التى أثرت فى مواجهات

تحيااتى

dodda said...

ايوه الايام جميله الحمد لله

ربنا سبحانه وتعالى
قال موده ورحمه
وبكل بساطه هى دى الموده والرحمه
-----------
سعيده جدا جدا بزيارتك وتعليقك
وسعيده اكتر بطيبتك اللى ماليه كلامك
ربنا يكرمك ويحفظك
ويكتبلك كل الخير

أحلى حياة said...

حلوه اوي بجد ما شاء الله
:)

بس كان متهيالي ليها تكمله ونسيتها
:D:D

تحياتي
:)))

Anonymous said...

حلمك بسيط و جميل اووي

واحساسيك احلى واحلى

ربنا يوفقك ويسعدك

دمت بود

قلب ينبض بالحب said...

قصة جميلة ياولد يايهاب كلمتها بسيطة وتلمس الواقع ربنا يسعد قلبك قوي ويحلي ايامك قول يارب

عندما تكون ميمى وحاجات كتير مع بعضها كده said...

عاجبنى اوى الاحساس الى انت كاتبه
بيحسسنى بالامان مش عارفه ايه العلاقه بس ما علينا

المهم انا قريت المدونه كلها وبجد فيها احاسيس ومشاعر حلوه اوى طريقه تعبيرك عنها عاجبنى

Anonymous said...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

ahmed_k said...

حلوه دي يا هوبه
أيه الرومانسيه دي كلها
ياراجل أنا قررت أحول عالمدونه دي
ههههههههه

دمت مبدعا يا صديقي