Sunday, October 26, 2008

عدت سنه على خطوبتي تصدقوا!!!ازاي



زي النهارده من سنه كانت خطوبتي
انا مش مصدق ان عدى سنه كامله على الحلم اللي اتمنيته وتعبت علشانه قوي
الحمد لله
عموما انا اتعلمت من اللي حصل
ان بالصبر تنال كل ما تتمنى
ان ربنا هو اللي عالم بالغيب وهو اللي عالم بالصح لينا ايه
اني مهما حد وقف في طريقي عمره ما هيمنع ارادة ربنا
ان رزقي على ربنا ومهما حسيت بالضيق فبكره اكيد ربنا هيفرجها من عنده


عايز اقولك كل سنه وانتي طيبه
واتمنى اني اكون مجرحتكيش ابدا واني اسعدك زي ما اسعدتيني

ربنا يحفظك ليا
والسنه الجايه نكون بنحتفل بزواجنا
عقبالكم جميعا

19 comments:

princess said...

مبروك مرور سنة على الخطوبة وان شاء الله السنة الجاية نقول مبروك على عش الزوجية:)
ربنا يخليكم لبعض
تحياتى

رندا said...

لولولولولى
عقبال مليون سنة سعادة وحب يارب
بس المناسبة دى عايزة وردة يامعلم منك ليها وردة بيضة صافية
والوردة تهمس ليها
بحبك بنقاء قلبى
ويارب اشوفكم فى بيتكم قريب ونحتفل برضة معاكم وندعيلكم

عقبال ميت سنة فى دفئ حضن بعض

كل الحب

رندا

Unknown said...

الى حبى الوحيد كل اللى اقدر اقولهولك بعد سنة معاك انى بشكرك على كل لحظة قضتها معاك وفى حضنك وانى محستشى بالدنيا غير وانت معايا يا احلى حب ويارب اكون قادرة اسعدك زى كل لحظة انت بتسعدنى فيها وصدقنى لو قلتلك ان كلمة بحبك مش هاتقدر تعبر عن احساسى بيك وبالسعادة اللى بحسها معاك ونفسى انى افضل معاك مش بس سنة لا طول عمرى وحياتى كلها كمان يااحلى غرام
حبيبتك

Beram ElMasry said...

عـــين الشــــمس عيانـــــة ومعصوبــــه بشـــال الليـــل
وفــــــــاس الحـــــزن منكـــودة ومرفوعـــة تهـد الحيـل
هجمـــت علينـــــــا عصابــــة زى الطوفــــان والســـيل
خلــــــــوا شبابنــــــا منكســــــر راضــــى يكـون الذيـل
باعـــــــــوا علينـــــــــا وهمهــم ووفـوا من دمانا الكيل
ولا خلـــوا فى البلـــد فــــارس ولا حتــى حداهــا خيــل

اقصوصه said...

الله يخليكم لبعض

وان شاالله نشوفكم ع الكوشه يا رب:)

mohamed ghalia said...

بالتوفيق فى حياتك القادمة وربنا يسعدكم دايما
متنساش تعزمنا على الفرح
تحياتى

حاسوباتيه said...

ربنا يسعدكم يارب وعقبال الجواز

المـــفـــــــقــــــــوعـــــة مــرارتـهــا said...

ماعلش هي جات متأخرة بس كل سنة وانتم طيبين وربنا يملا حياتكم حب في حب ويحقق لكم كل ملتتمنوه

كـــيــــــــارا said...

ربنا مايحرمكم من بعض ابداااااااا

والسنه الجايه نقول عيد زواج سعيد :)

قلب ينبض بالحب said...

ايهاب مبروك على مرور سنة يوارب قبل السنة الجاية تكونوا في بيتكم يارب انت انسان تستاهل كل خير ربنا يتم عليكم بالخير يارب يارب

kochia said...

كدة سنة وشهر ونص
كل سنة وانت طيب برده
التهنئة المهم تيجي
بس ممكن تتاخر

تحياتي

حاجــ عيال ــات said...

السلام عليكم
كل سنة وانتم طيبين وانتم بتحبوا بعض وبتخافوا على بعض
ويارب نحتفل معاكم بعيد جوازكم على مدونتكم دي

PrInCeSS BeRy said...

الشنكوتى الفظيع ازيك الف مبروك عل مرور اجمل الاوقات فى حياتك وحياة من تحب

ربنا يسعدكوا ويخليكوا لبعض

كيكى عوووووو said...

ياااااااااااة
احساسك دة جميل اوى والله
يارب يارب
السنة الجاية تكونوا فى بيتكم
وتجبلنا كتاكيت صغننة نلعب بيهم
مبرووووووووووووووك
عووووووووووووووووووو

أحلى حياة said...

السلام عليكم ورحمة الله وبركاته

الف مبروك :)
ربنا يكرمكوا ويوفقكوا يارب ويتتملكوا بالف خير يارب
:)))

تحياتي :)

dodda said...

ربنا يديم عليكوا الفرح ويتمم بخير
شد حيلك وقبل السنه الجايه نبارك ع الجواز

Anonymous said...

سنة سعيدة عليكم

وربنا يديم المحبة بينكم

وعقبال ما نفرح بيكم يارب

وعقبال عند العزابية ^-^

بـِصَمتـِـ أميرة ــــى said...

ياعثل
ايه التشعامة دى
كل سنة وانتو اطيب واسعد ولطاعة الله دوما اقرب وبحب بعض مكتفيين وعن الناس مغنيين وان نسيت تعزمنى فى فرحك هتلاقينى الساعة 6 الصبح عند عش الزوجية بتاعك ومغلسة وعاملة نفسى ببارك
ايووووون
مستنية الانفيتاشن

ahmed_k said...

كل سنه وأنتم طيبين
وربنا يتمملكم على خير
ويجعل أيامكم دايما عامره بالسعاده


متنساش بس تدعيني