ردا على بوست عند دعاء مواجهات رحت كاتب كومنت على كلامها اللي شدني قوي واسلوبها الفزيييييع
وبعد كده هي اخدت الكومنت ونشرته عندها مشكوره طبعا واحرجتني بزوقها الفزيييع برده
ومن تعليقات الناس بقى فكرت اكتب حاجه تاني ردا على الرد
انا مش فرعون
انا بس ساعات بعيش بجنون
انا شاب وعايش مملكتي
مش طاغي وظالم ولا قاسي
انا بس بحاول اتمنظر
وارسم في خيالكم كام منظر
عن وحش وعايش في خيالي
مش هي دي صورتي ولا حالي
لكن احيانا كده افكر
لو كنت انا ظالم او قادر
كان ايه هيبقى
شكلي وحال
انا يمكن اكون بكدب برده
ويكون في كلامي حقيقه خافيه
جايز يطلع جوايا شيطان
او يمكن جني في ارض الجان
اوقات انا بحلم ابقى شرير
وبجرب المس حد السيف
واقيس كام درع على هدومي
يمكن يعجبني الدور واخده
واتحول فارس بس اسود
انا عارف يمكن هاصدمكم
لكن وبرغم اني انا طيب
لكن جوايا وبصراحه
بركان من نار عايز يخرج
فأستحملوا مني بقى غباوتي
لو يوم كلماتي صدمتكم
====================
تحياتي لكل الناس اللي عرفتهم في التدوين وكل يوم بقرب ليهم اكتر
وهو عارف ليه
3 comments:
حلو ده
وحلو التاني اللي عند دعاء
روح مختلفة للشعر والحالة اللي كتبت بيها
تحياتي
انا مقرتش اللى عند دعاء بس الشعر ده مختلف اوى يا .........ز فرعون
تحياتى
ياااه ياهووبا
انا شوفت لابوست متأخر اوى ويمكن كمان بالصدفة أوى بس كلمات منتهى الصدق
تحسها طالعه من المعاميق كدة
مقولتش ليه من ساعتها كنا نزلناها عندى كتكذيب للإشاعات..
هههههههههههههههههههههه
انت جميل اوى
ربنا يوفقك ويهديك لما يحب ويرضى..
Post a Comment