Monday, April 7, 2008

يقتلني جنونك سيدتي




يقتلني جنونك سيدتي
يقتلني الشك في كلماتك
تقتلني دموعك همساتك
يقتلني ما لا اعرفه
من افكار توسس بها الشياطين في عقلك
يقتلني ان لا اقدر ان ادفع عني محاكمتي
من حق الجاني ان يعلن سبب برائته
من حقي ارفع اسبابي
من حقي احضر محكمتي
وانا قادر على مجادلتك
وكيف العدل يا سيدتي
وانتي القاضي والجلاد
وانتي دفاعي وشهودي
اسوار القفص عالية
وتمنعني
فلا قلب ولا صوت يساندني
وكيف انادي من هنا
وهذا القيد يقتلني
تحاكمني
وقد ملكت مرافعتي وبرهاني
تحاكمني
وهي تعلم بأني فقدت كلماتي
مع احساسي بالحب
تحاكمني ولا املك لها ردا
حسبتك انتي شاهدتي
لقد احضرت توكيلا
وفي السجلات قيدته
انا منكي ولكي وحدك
وانتي الأن محاميتي
فلن اصرخ
ولن اشجب
ولن اطالبك بالرحمه
فمحكمتك
هي ارحم محاكمة
فأنتي الأن قاضيتي
وانتي الأن محاميتي

تغارين من امرأه
سقطت على اوراقي ومحبرتي
ولوح كتابتي البارد
وذكرى فاتت من الزمن
وكيف تغار مولاتي
وكيف تشك في صدقي
وانا لا املك من الدنيا
ولا ذكرى
ولا امل
سوى عيناك وحدهم
انا لا اعرف هنا وطن
ولا عشق ولا امل
سوى انتي
تغارين من امرأة
ذكرت جمال منظرها
وانا لازلت اوصفك
في كل يوم بأنك عيدي
وتنهيدي
وشمسي التي اتمنى من الله الا تغيبي
وهل يعقل ان تمحو اي عابرة
في مخيلتي
عيون بها القلب ينادي
ويتنهد
وتتباعد به الدقات
وتتعثر نبضاته
من الشوق لهمستك


انا لن اعاود ندائاتي
ولن اصرخ في قفصي
وانتظر حكمك الحاني
ولن اصرخ اذا امرتي بقطع الراس ووريدي
ولن اصرخ انا وقلبي
يضخ الدم للأرض
على ارضية السجان
فلن يذهب دمي هدرا
سيكتب اسمك الغالي
على جدران مقبرتي

وساعتها ستتساوى كل اشيائي
فجزاء ذكرايي التي احزنتك
سأكون انا ايضا ذكرى
فلا تحزني بعدي
ولا تذرفي الدمع
فهذا اقل عقاب

بحبك

34 comments:

كاميليا بهاء الدين said...

وانا لازلت اوصفك
في كل يوم بأنك عيدي
وتنهيدي
وشمسي التي اتمنى من الله الا تغيبي
وهل يعقل ان تمحو اي عابرة
في مخيلتي
عيون بها القلب ينادي
ويتنهد
...............

ربنا يخليكم لبعض يارب
ويجمعكم على خير وفى الخير
ويسعدكم دوما

تحياتى وتقديرى لاخى العزيز

Doba said...

اهلا بكاتب الكلمات
دى لو هيه اللى بتشك فيك اعذرنى يعنى يبقى ليه وعلشان ايه وازاى

عموما انا عارفة وواثقة انه من حبها ليك ومن رغبتها فى الاستحواذ عليك

نيجى لكلماتك بقى
حلوة ومعبرة وتصف حبا عظيما وغيرة حب اشد

تحياتى
هبة

walaa said...

الله يا ايهاب انت بتقول شعر جميل
جميله كلها كلاماتك
لو حطيبتك سمعت الكلام الحلو ده اكيييد هتصفى علطول
والنبى متزعلها يا ايهاب دى البنات غلابه وهى شكلها انسانه رقيه لو الماضى مديقها قوى كده احزفه يا سيدى
طالها هى الحاضر والمستقبل
وربنا يوفكوا ويجمعكوا على خيير
تحياتى ولاء

Lyssandra said...

السلام عليكم

جامده بجد .. كلمات معبرة واعتقد بعد المرافعه دي هاتاخد براءة بإذن الله

كفاية تكون هيا المحاميه والشاهده والحكم

ماتقلقش
البوست الجاي نقول كفّـارة يا إيهاب

تحياتي

lyssandra

dr. Ahmed Sakr said...

ما شاء الله

كلمات رائعة وأسلوب ممتاز

سلمت أخى وعبرت عن مكنونات رائعة

Soooo said...

يالهوي عليك يابو الشناكيت
يالهوي عليك
ايه يا واد الحلاوة دي
حلوه قوي موت بجد خالص

فيها كمية حوارات وصراعات داخليه مع النفس مش ممكنه

يالهوي

بقولك ايه
هات من ده كتير
وماتنساش السلاطات ياعمنا




سلاموووووووووووووز

Empress appy said...

بص معنى محاكمتها ليك
انها بتحبك
معنى انها تحكمك
عاوزة تخرجك من سكوتك
السكوت ساعات بيضيع حاجات كتير
وبتخلى اللى قدامك يحتار معاك وممكن يسيبك ويبعد

ايهاب بجد انت مش شنكوتى خالص

الآء said...

أتحدي كل يوم كبريائي
أتحدي الظنون والشكوك
التي تظهر كل لحظة أمام عيني
كسحابة مظلمة
أتحدي المدعي والقاضي بداخلي
وأقف كل لحظة في وجهه العاصفة
في وجهه العدالة
أنتظر رسائلك وكتاباتك
أنتظر دفاعك
لتبعث بروحي بعض الدلائل القلال
أبحث بينها عن أي عذر يرضيني
لاطهر عقلي من الأوهام
وأهبك البرائة سريعا
حتي وأن كان لا يقبلها العقل
ولا القانون

جميلة كلماتك

Empress appy said...

يا مجامنينو الواد مجاش عندي انا كنت عاوزاه يدخل عندي
علشان اجيبه من الترافك فيد

ثانيا خيخه فى عامله فيد باك من عداد الزوار هتعرفه
فهمت وانا فهمت دوبا الدبدوبه دي

بص بقي لازم تقدم ليه اعتذار دا انا لسه مدافعه عنك عند قطه الصحراء علشان واحد مستخدم اسم شنكوتي وشاتمها انا غلطانه عاااااااااااااااااااااا

بنت مصريه said...

شعرك حلو قوى انا برده بكتب اشعار
بس ساخره
فيها بعض الكوميديا
بس يا ريت تشيل البنطلون اللى بيظهر فجأه ده يعنى عشان الشيطان ميلعبش ف عقل اى شاب يدخل مدونتك ههههههه
اتمنى تنورنى ف مدونتى واشوف تعليقك

Reham Mahmoud said...

ياه بجد جميل جدا
كلامك تحفة
اجمل حاجة فى الدنيا الحب بس لما يكون حب حقيقى
جميل جدا
تحياتى
ريهام

فى القلب said...

أيه يا شنكوتى الجماااااال ده

ما فيش أحلى من الصراعات النفسيه فى الحب ومحاولات الأستحواز على الأخر

بيفجر معانى حب قمه الروعه على لسان المحبين
لنستمتع نحن
دمتم لبعض على طووووووووول

MAKSOFA said...

أحساسك هنا عالي قوي ، وحبك وعشقك يفوق الوصف وأخلاصك جميل رغم أن قضيتها خاسرة، فالشك دون أسباب مقنعة يقتل الحب ،فعندما يخلص الحبيب لحبيبه ويجد أن الطرف الآخر يرفع في وجهه أصابع الأتهام بالخيانة دائما لشكه فيه فهذا يدل على مرض كامن لن يشفى منه وسيظل يؤرق حياة حبيبه بالأفكار الغبية حتى يفر هذا الحبيب من جحيم الشك بلا رجعة

Lyssandra said...

السلام عليكم

فينك من زمان يا إيهاب وإيه الغيبه دي .. أنا جيت من كام مرة كده ولقيت المدونة للمدعوين فقط .. اتكسفت ومشيت

عموما .. حمدلله ع السلامه .. وأرجو لما اجي تاني وانادي حد يبقي يرد عليا


شكرا
تقبل مروري


lyssandra

Gihan said...

First time to the blog..
Amazing.. I actually scrolled down to see who was the poet who wrote this!

سمية said...

بصراحة بصراحة من غير زعل يعنى ...
انا شايفة ان عندها حق اوى ... الحاجات دى حتى لو محكمتكش عليها اول باول ... بعد كده وحده وحده هتكون السبب فى البعد مبينكم لاقدر الله ...

المراة لا تقتنع بمقولة "انتى اللى فيهم و الباقى سلطة" ... لا لازم تحس انها هيا و بس و الباقى انت اصلا مبتشوفهمش ... لانك مجرد ما بتذكر كلمة الباقى دى يعنى حضرتك شوفت و بصيت و بحلقت و عاينت كمان ... مش مشكلتى بقى بعد كل ده انت شوفتها حلوة و للا لا المهم انك سمحت لنفسك تشوف اصلا ...

مش عرفة انا اتحمأت اوى كده ليه!!

المهم..
اسلوبك اكثر من رائع..


تحياتى لك و لها..

سمية said...

ملحوظة :
انا كان بقالى فترة بحاول ادخل على المدونة لكن كان فيه مشكلة و الصفح مكنتش بتفتح معايا ..
ومن ساعة ما المدونة فتحت و انا غطسانة فيها ... كتبت تعليق على موضوع المزز .. و طبعا موضوع الخيانة ..

كلام على بلاطة said...

من يحب يستحمل جنون المحبوبة
لكن اسلوبك جميل وسلس
استمر والله معاك
لكن ده حب بجد ولا كلام شعراء
--------------------
فانا كشاعر اكتب ما احسة ولكن يوجد شعراء يكتبون ما يتطلبة الموقف
خلينا نشوفك على المدونة وفى انتظار رأيك ناجح

عروسة ننوسة said...

انت مالك مستسلم كده ليه...بس احساسك عالى اوى
المهم لك تاج عندى تعالى وخده

اميره الصعيد said...

واضح جدا جمعك بين اسلوب فاروق جويده ونزار قباني
الكلمات جميله وسلسه وبتعبر عن موضوع منتشر جدا
علي فكره الغيره دي في دمنا احنا بنات حوا ومن غيرها الراجل ميحسش بطعم الحب بس المهم متبقاش غيره تخنق
كلمات جميله لشاعر موهوب

klmat said...

جميله اوى تسلم ايدك ومشاعرك
متهيالى بعد ماتقرا دفاعك كل الشكوك
مش حايكون لها مكان . غيرتها عليك من حبها لك خد بالك امام الحبيبه كل الستات والبنات اقل جمالا بكتير
كلامك جميل ربنا يسعدكم ويوفقكم
سلامى

بنت مصريه said...

تعجز الالسنه عن وصف هذه الكلمات وما بها من احساس رائع
اول مره اتشرف بدخولى مدونتك
وان شاء الله مش هتكون الاخيره
لانها مدونه جميله جدا

دعاء مواجهات said...

تعبيراتك قوية اوى

والاسلوب كمااان

جميل جدا

بس
هل دى تجربة؟؟

انت فين من فترة؟؟

اول ما توصل بالسلاامة

لاااازم نشوووفك

سبهللة said...

تحياتى لاسلوبك الراقى
وبالتوفيق ان شاء الله

كلام على بلاطة said...

ولا يقتلك ولا حاجة
اجمد شويه
واعطيها بجمسين قرش جنان
و2جنية حنان
تحياتى

(احمد سكر ) said...

ياااااااه

دا هنا فى كلام حلو اوى

كلام مليان شجن

استاذ ايهاب

عم ايهاب

حاج ايهااب

اسمحلى اكون زبون دائم

لا بجد كلامك حلو اوى وصاادق

ويعم متزعلش اوى كدا

حد طايل حد يمتلكه كدا

تحياتى اخى الفاضل

اخيك
احمد سكر

من انا؟؟ said...

تغارين من امرأة
ذكرت جمال منظرها
وانا لازلت اوصفك
في كل يوم بأنك عيدي
وتنهيدي
وشمسي التي اتمنى من الله الا تغيبي
وهل يعقل ان تمحو اي عابرة
في مخيلتي
عيون بها القلب ينادي
ويتنهد
وتتباعد به الدقات
وتتعثر نبضاته
من الشوق لهمستك
_______________________

وزى ما قالت ابى

بص معنى محاكمتها ليك
انها بتحبك
معنى انها تحكمك
عاوزة تخرجك من سكوتك
السكوت ساعات بيضيع حاجات كتير
وبتخلى اللى قدامك يحتار معاك وممكن يسيبك ويبعد

لا بس بجد كلماتك حلوة بس هل هيه لشخص حقيقى ولا مجرد خواطر

دعاء مواجهات said...

كلماات اكتر من جامدة

وفوق المعبرة

والمدونة كلها مش حقول تحفة لان الكلمة دى بقت عادية اوى ى ى ى ....

انا حقوول حالة جميلة

احلى حاجة لاحظتها او تقوول حسيتها فييك

انك مش بتكتب لمجرد الكتابة او لمجرد التواجد

انت بتكتب من اجل أهداف كبيرة وكتييرة

وفعلا نورت مدونتى المتواضعة وزدت من جمالها وانا كنت منتظرة زيارتك دى من زماان بجد..

وردك على القصيدة

مش لاقية وصف يوصفة

غير انك مبدع فعلاً..

عرضت عليك عرض بخصوص ردك ع القصيدة وانتظر ردك؟؟؟؟

doda said...

انت بتقول يقتلنى جنونك سيدتى
انا بقولك

تقتلنى هذة الكلمات الرائعة

احساسك جامد وكلماتك حلوة

بوست لذيذ

كلبوشستان said...

شنكوتي انت عملت ايه بالظبط ؟

اصل بعيد عنك السحليه ما تنظمشي محاكمة عسكريه للراجل الا اذا كان تحت رجليها دليل قوي

يلا يا بطل قلبي معاك

يلا بئه قضى ربنا هنعمل ايه

كل يوم لازمن ولابد يقع مننا تمساح تحت ايد السحالي

قلبي معاك وكبدتي كمان يا شنكوتي

بس كلامك جميل اوووووووي فكرني بواحد صحبي ... راح بردك فطيس بسبب السحالي

نونو said...

غير عادية بجد
ربنا يخليك ليها ويخليها لييك
لان الكلام من القلب اوى
بسم الله ماشاء اللله
حلوة اوى

سارة علي said...

اول مرةاجى هنا المدونة وباذل اللةهاجى كتير
اسلوبك رائع وكلماتك رقيقة وحساسة
تحياتى

عروسة ننوسة said...

هو لسه فى حد بيحب حد كده ؟
البوست حلو اوى والكلمات هايلة

RASHA said...

كلماتك جميلة شعرت انى اقرا لعملاق الكلمة لنزار قبانى اعتقد انك متاثر به