Wednesday, December 26, 2007

خان .......يخون........خيانه.............يبقى خاين


طبعا انا كنت محتار اكتب عن ايه



بس لقيت اني كنت كاتب لنفسي ملاحظه من زمان قوي اني اكتب عن موضوع الخيانه



ولقيت اني لسه مكتبش كمالة السؤال بتاع هيخونه ولا لأ؟



ولقيت كمان نفسي شايف كام حاجه كده قدامي خلتني افكر في بوست عن الخيانه



بس كنت مكسل لحد ما حصل موقف النهارده خلاني لازم اكتب البوست ده النهارده


يعني ايه خيانه




خيانه اني اعمل حاجه يرفضها الشخص اللي بخونه من غير علمه تأذيه بشكل ما


جايز هو تعريف مش دقيق لكن اهو ده ممكن نعتبره تعريف



المهم اني النهارده كنت بتكلم مع شخص ما من فتره مش قابلته وفي وسط الكلام لقيته معنى كلامه بمنتهى الوضوح كده انه شايف اني شخص خاين مش ليه هو لكن لحد تاني




وبصراحه كده انا اتصدمت من الكلام قوي الحد اللي هو خايف عليه ده يبقى غ حبيبتي



ايوه هو شايف اني خاين الفكره اللي حبيت اقولها هنا مين قال اني ملاك وعمري ما بغلط لأ يا ناس انا بشر واكيد بغلط برده وهي تغير عليا جدا لكن هل تفتكروا اني بعمل حاجه من وراها او بخدعها او بعتبر الخيانه نوع من التسليه






لما لقيت نفسي بكتب في المدونات واعرف بنات كتير هنا وتاء التأنيث كترت عندنا هنا قوي كان لازم اني اعرفها بالمدونه صحيح انا كنت عامل المدونه ليا لوحدي محدش يعرفها من معارفي خالص وكأنها جزيره بتاعتي لكن مكانش ينفع اني مش اقول لها عنها برغم اني كنت متوقع انها تتضايق من اني عارف كل الناس دي لكن عارفين لما صارحتها لقيتها بتعمل ايه



لقيتها بتشجعني وتسألني عن كتاباتي


ولقيتها بتتعامل مع الموضوع بحياديه جميله ومفيش مشكله خالص برغم انها بتشوف الكومنت بتاع الناس وبتشوف ردودي عليهم

طبعا الوضع كده بقى اجمل لأني مفيش في دماغي مشكله وهم انها تكتشف الموضوع من ورايا انا اللي صارحتها لأن الصراحه هي اول سكة السلامه


نرجع بقى لإجابة السؤال يا ترى هيخونها ولا لأ

هو جاوب وسألها: تقصدي ايه بالخيانه؟

هل قصدك اني لما اشوف واحده حلوه في الشارع واقول انها حلوه يبقى كده بخونك

ولا لما اتفرج على فيلم اجنبي والبطله تبقى حلوه يبقى كده بخونك ولا لما اتكلم مع بنت تانيه واهزر يبقى بخونك ولا لما امشي اعاكس البنات في الشارع ولا لما عمل علاقه مع ست تانيه ولا ولا ولا

في مليون معنى للخيانه

لكن يا ترى ايه هو المعنى اللي انتي هتعتبريه خيانه

مش عارف علشان كده انا هاتعامل على المعنى اللي انا موافقق عليه

اني معملش حاجه تجرحك او تهينك من وراكي

اني عمري ما هاخبي عنك حاجه

وبكده ابقى مش بخونك ولو خنتك هتعرفي

وساعتها تقدري تحكمي


واخر حاجه في البوست بقى

هو سؤال ليه الناس بتخون

الخيانه مش صفه ذكوريه فقط الخيانه موجوده عند الناس كلها

مش هاقول على كام مره شفت ستات متجوزه وبتخون بأقذر الطرق وعلاقات سافله وطبعا مش محتاج اتكلم عن خيانات الرجاله

مره لقيت مكسوفه معلقه عند فريده ان الراجل زي الكلب لو لقى لقمه متعاصه خرا هيميل عليها برده

تعبير مقرف بس معاها حق

هي شايفه انها بتشتم الراجل الخاين

لكن انا شايف انها جمله بليغه جدا لأنها برده وصفت الست السافله اللي سمحت لنفسها بأنها تكون لقمه متعاصه خرا ومرميه في الأرض بدون قيمه ولا كرامه ايوه هو غلطان انه ميل عليها لكن برده هي كمان زباله يعني

وفي الأخر مش عايز حد يقول اصل السبب ان الست اهملت جوزها او ضغوط الحياه

اكيد في سبب حقيقي وواقعي

بس احنا مش شايفينه

انا عندي نظريه في الموضوع ده بس هاخليها لنفسي دلوقتي

وهاقولها بعد ما اسمع رأي الناس كلها في الخيانه واسبابها

تحياتي للجميع

وخصوصا للشخصيه اللي اتهمتني النهارده بأني شخص خاين

سلااااااااااااااااااااااااااااااااااااااااااااااام

24 comments:

emos said...

ezayak ya 7ag shankoty w ta7eyaty l7abebtak
bos ya sedy
kol elly enta bet2ool 3aleh dah mayo3tabarsh 7'eyana
el 7'eyana deh 7aga kebera awy w 2a3taked enaha temshy ma3naha seyasy 2aktar menno fel 7ob wel 3elakat

elly enta bet2ool 3aleeh dah 2esmo 3adam 2e7teram
wel 2e7tram dah naw3an ma goz2 kebeer awy men el 7ob

el 2e7teram dah ehh ba2a
bema ennak bet7eb 7ad beyeb2a 3alatool fe balak w lamma yeb2a 3alatool fe balak lazem 2abl 2ay 7'atwa te3melha tefakar fe
tefakar eza kan ma3ak kont hate3mel nasf elly enta bete3melo w howa mesh ma3ak walla la2

ennak te7'af 3ala masha3ro geddan
enta 3aref wa7da men sa7baty motadayena awy marra 2aletly ennaha 3omaraha mahatsa7eb wala hate7eb 3'eer gozha
tayeb kalam gameel
2aletly ana law sa7ebt delwa2ty hab2a ba7'oon el bany 2adam elly ana hatgawezo fe yoom men el ayam yeb2a lazem 2a7taremo men delwa2ty le7ad mayegy
ma3 enaha mate3rafhoosh
bs kalamha da7'al dema3'y awy:)

Jade said...

Shinko,

Kol Sana wenta tayeb & Happy New Year..
It's really lovely that you are able to write & talk about all of this with your lover knowing... Rabena ye7fazkoh..

As for my point of view on Cheating - You know all about it so I'll just leave it at that...

I hope you are well & know that as long as dameerak merta7 yeb2a mesh mohem ay 7ad ye2oul ay 7aga...

Salam,
J

كاميليا said...

شنكوتى

اول مرة اقرأ حاجة لك
وأحس انك بتكتب وانت بتتألم
مش عارفه ليه الاحساس ده كان مسيطر عليا طول البوست

على كل حال ياصديقى الكريم

الخيانة درجات
نعم درجات .. وانت بالتأكيد تعرف ماذا أعنى
من اول درجة .. وحتى الدرجة الاخيرة
الواقعة تحت خط الهاوية

سلمك الله من كل شر
وحفظك

كاميليا

Omar... [ خروشات ] said...

اول مرة ااقرا لك

و اول مرة اعلق هنا

انتا دلقت كوباية ملح.......... على اعفن جرح


و هوا الخيانة


بس تعبير مكسوفة كان قاسى جدا

و مهين للطرفين و ببساطة حولهم من صفة الانسان الى صفة الحيوان


ربنا يديم علينا انسانيتنا

اخوك عمر،

shahy said...

ازيك يا شنكوتي
انا عجبني قوي تعليق عمر

انتا دلقت كوباية ملح.......... على اعفن جرح

وصحيح كلام الرقيقة كاميليا ان فعلا
الخيانة درجات
وممكن حاجة انا اعتبرها خيانة وانت تشوفها عادي ومفيهاش ريحة الخيانة
يعني الموضوع فية اختلافات كتيييييييير

تحياتي ياشنكوتي وابقى سلملي على غ

barb michelen said...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

TAM said...

الناس الللى بتقرا لمكسوفة هل ممكن تصوتو ان كنتو موافقينها على الاعدام ولا لا ؟

MAKSOFA said...

تصدق ضحكتني والله أنك كاتب المثل بتاعي عند فريده ، تعرف ده مثل دايما كانت تقوله لي أمي الله يرحمها
======================
بحبك ياواد ياشنكوتي

الشنكوتي الكبير said...

emos
الله يسلمك ويبارك فيكي
كلامك هايل قوي
بس اعتقد برذه ان الخيانه في السياسه زيها زي الخيانه في الحب كلها في الخر خيانه

اما كلام صاحبتك ده اعتقد ان اللي هيتجوزها هيبقى سعيد جدا بيها
وهيكون مطمن جدا عليها واعتقد الثقه بينهم هتبقى حلوه قوي
لأنها كانت بتحافظ على كرامته قبل ما تشوفه ما بالك بعد ما تحبه

سلميلي عليها وحيها بالنيابه عني

سلااااااااااااااااام

---------------------

Jade
يا بنتي الله يخليكي ويحفظك
انتي كده جبتي الخلاصه مادام الواحد ضميره مرتاح وعارف انه مش بيغلط ولا بيعمل حاجه في السر ينكسف منها يبقى خلاص

سلاااااااااااااااااام


---------------------

كاميليا
يا اختي العزيزه
فعلا هي درجات وانواع كتير قوي
ربنا يحفظك ويردك لينا سالمه غانمه

-----------------

عمر
اخي الكريم
سعيد جدا بزيارتك
معلش اعذرني اني نبشت في جرح صعب زي ده
بس الجرح ده في الدنيا كتيييير قوي
جايز تعبير مكسوفه كان قاسي بس ساعات القسوه بتكون هي اوضح حل

سلاااااااااااااااااااام

-----------------

shahy
شاهو
الله يسلمك يا استاذه
وهي كمان بتسلم عليكم كلكم
وانا برده عجبني تعليق عمر
وكلام السكره كاميليا
---------------------

Barb michelen

يعني هي ناقصه النصابين كمان
ما علينا
----------------

Tam
تسلم ايدك يا باشا
مكسوفه دي من اعز الناس عندنا كلنا وانا بضم صوتي لصوتك وصوت كل الناس ارجعي يا مجنونه
كلنا بنحبك
ارجعي يا شقاوة التدوين
ارجعي يا مكسوفه

-----------------------------


مكسوفه
اختي وصديقتي
المثل بتاعك عجبني جدا
الله يرحم والدتك ويغفر لها
ويفرج عنك كل كرب وهم

ربنا يحفظك ده انتي عارفه لولا بس البنت غاده هتقطعني كنت قولتلك وانا بموت فيكي
سلاااااااااااااااااام

MAKSOFA said...

ياواد حد يغير من أمه دا أنا ماما مكسوفه وأنتم أولادي

Nani said...

السلام عليكم
خان يخون خيانة
هممممم
كل شيء نسبي حتى الخيانة نسبية
لا اعتقد اني سأسكت فيما لو اتهمني احداً بالخيانة حتى ولو تلميح ساجبره على الكلام حتى لو تصاعد الموضوع الى العنف
فمثلما لا احب ان يخونني احد لا احب ان اخون احد
لا اقصد ان تقوم بضرب من اتهمك لكن افهم منه ما يقصد بالضبط فقد يكون الموضوع سوء فهم لا اكثر
اتفهم الكذب والسرقة لكن الخيانة شيء لا يسكت عنه

daktara said...

الفكره جديرة بالمناقشة
العنوان جذاب
الافكار غير مرتية
الكلمات غير مثيرة
موضوع جيد كان ممكن يكون احسن من كده
علاقتك بيها ورد فعلها شيء خاص بيكم
لكن فيه شيء مش مريحني
اخيرا
العلاقة علي النت وهمية
اوعي تفتكر ان لو مليون بنت بتعلق عندك يبقي انت تعرفهم
اكيد فاهمني
تحياتي وعذرا علي النقد

انظر حولك
د. خالد عزب

Ellithy said...

انت مدعو للكتابة في مدونة كل العرب
مشروع الجريدة العربية الموحدة
تكمن فكرة هذه المدونة لجمع اكبر قدر من المدونين العرب واقدرهم وافصلهم لكي يكتبو في مكان واحد
ذلك للحصول في النهاية على مدونة اشبه بالجريدة العربية تناقش القضا ياالعربية وخلافات العرب حيث ان كل الطوائف والبلاد مدعوة للكتابة
وقد تكون نقطة انطلاق للتفاهم والنقاش حول القضايا العربية المختلفة وتقابل وجهات النظر

للمشاركة ارسل ايميلك (بريدك الالكتروني) في تعليق على هذا المقال وسوف تتلقى دعوة للكتابة في هذه المدونة

مزايا الكتابة هنا :
للكاتب :
1- عدد اكبر من القراء
2- تحسين نتايج البحث لعناوين المقالات
3- انت كاتب وفي نفس الوقت قارئ تقرأ ما يكتبه كبار المدونين العرب
4- شهرة اكبر .. ودائما اقول ان في الاتحاد قوة وهذا هو اتحاد المدونين العرب

للقارئ :
1- القراءة للمدونين الكبار تحت صفحة واحدة
2- تجميع المدونات وجعلها مث ل جريدة الكترونية
3- سهولة الوصول للمقالات المرادة

شروط الكتابة (لن يتم التعديل لو مسح اي مقال ):
1- عدم الاساءة للاديان السماوية
2- عدم نشر مقال من اجل ربح المال او التنفع المادي ولكن الشروحات مقبولة ومرحب بها
3- عدم كتابة كلام خارج او الفاظ اباحية
4- الكتابة باللغة العربية

الفكرة تتلخص في ان كل مدون له حق الكتابة فقط بارسال ايميله في تعليق على هذه المدونة
اذا كانت لك مدونتك الخاصة فلا مانع من نسخ مقالاتك الهامة والتي تراها ترقى كي تكون في الجريدة العربية الالكترونية او مدونة كل العرب

وانا شخصيا ساكتب في مواضيع مختلفة وساهتم بتحقيق افضل نتائج للبحث والحصول على اكبر قدر من الزوار حتى تصل مقالاتك لاكبر عدد من القراء
كما ان تجمع المدونين سيجيئ بقراء اكثر وهكذا

برجاء ارسل لنا بريدك الالكتروني كي تستطيع الكتابة في هذه المدونة
ادعو الله ان تكون هذه المدونة ملفتة لنظر القراء ومحط انظار الراي العام العربي
مشروع الجريدة العربية الموحدة

والله ولي التوفيق

بنوته مصرية said...

اول مرا اجي هنا عجبني الموضوع
لانه سؤال في ذهن ناس كتيرة

ليه الخيانه وايه هي الخيانه واسئلة كتيرة عن الخيانه

الخيانه فعلا درجات

ده مجرد التفكير للحظة في شخص تاني تعتبر خيانه لو عملت تصرف مش راضي عنه خيانه

ربنا يحفظنا يا شنكوتي ويبعدنا عن كل شر

تحياتي لك اخي الفاضل
وحافظك الله من الخيانه

Yahia said...

الخيانه ...... طبعاً زي ما انت بتقول ليها اشكال كتتتير وبتختلف من فرد للتاني بأختلاف التعليم والثقافة والبيئة. وللأسف مينفعش تتفق مع حبيبتك على شكل محدد للخيانه يعني مثلا لو انت عاكست واحده في الشارع ممكن انت تشوفه عادي أو تهريج بس هي ممكن تشوفه بشكل تاني كذلك حاجات تانيه كتتتير ممكن تتفسر تبع التنشئة الاجتماعية والبيئة والثقافة.

تحياتي

عابد الرحمن said...

الخيانة شئ مقزز جدا وزي ما قالت كاميليا درجات وبصراحة دي الشئ الوحيد اللي عن نفسي عمري ما اسامح فيها باي صورة من صورها او درجاتها
شكرا اخي الكريم

nonna said...

hi el bost da 7lw awy bs msh momkn t7dd ashkal el5yana l2n kol wa7d leh ra2yoh momkn 7aga tkon blnesbaly t3tbr 5yana we fe nfs elw2t mtkonsh keda belnesba l7d 3'ery bs kol wa7d fena 3arf eh elly momkn eltarf eltany y3tbro 5yana .wey7awl my3mlhash 3shan mosh yza3l eltany

سمية said...

انا عارفة انك كاتب الموضوع من بدرى لكن عندى كلام كتير عايزة اعلق بيه..

الخيانة عندى..
اما يكون بيحب و يروح يتكلم مع واحده تانيه و يقولها بحبك ...
اما يتوب من الخيانة و يرجعلها تانى فى اقرب فرصة ممكنة ... و يطلب منها انها تسامحه عشان مش قادر يعمل كنترول على نفسه ..
اما حبيبته تتفاجئ بعتاب ممن لا تعرفها .. عتاب يشمل ادق تفاصيل حياتها ..

اما يعتبر حبيبته هيا مجرد ركن نضيف بيلجأله كل ما يحب ياخد هدنة مع نفسه ..

يمكن كلامى مش واضح .. لكن برده يمكن بعض الناس تفهمه ...

الخيانة هى كابوس .. بحر واسع تسبح فيه من تخونها باحثة عن .. لن اقول شط ترسى فيه .. و لكن على الاقل ارض تقف عليها تستريح لتستطيع ان تكمل الغوص مرة اخرى فى مرارة ذلك البحر ...

نصيحة ..

لو اديت لنفسك فرصة النهاردة انك تبص على اللى ماشية فى الشارع او اللى بتمثل فى فيلم اجنبى .. يبقى بتدى نفسك فرصة انك تجرح حبيبتك فى كل لحظة تشوف فيها عنيك بتقع على واحده فيهم ...

هتوصلها فى يوم من الايام لانها تحس ان الدنيا دى ما هى الا طريق طويل بتجرى فيه ورا عيونك .. وللاسف الطريق ده ملوش نهاية عندها .. نهايته عندك انت و بس ..

معلش انا طولت عليك .. لكن قولت كل اللى فى نفسى ..

Anonymous said...

السلام عليكم ورحمه الله وبركاته انا نور من المنصورة البوست حلو كتير وانا اول مره اكتب كده وادخل هناوانا عن نفسى كلمه الخيانه دى ليا معاها مراحل فى الحياه كتير...واديكم مثال تخيلى كده او تخيل ان حبيبك يخونك مع مين مع صاحبتك الوحيده وتخيلى ان صاحبتك الوحيده توافق بكده وتخونك معاه ويسيبوكى ولا يسالوا عنك ويقطعوا علاقتهم بيكى وتشوفى بعيونك كلامهم وتسمعيه وتلاقى كل كلمه وعزة وجلال الله كل كلمه كانت بتتقالك ووعد بيتقاللها بالحررف وتلاقى حبيبك الخاين بيتكلم عليكى اوحش واقذر كلام ويقول اللى عمره ما حصل منك ويطلعك اوحش انسانه ويقول نفس الوعود لصاحبتك وصاحبتك بقه تحكيله اسرارك اللى انتى كنتى قايلاهالها وتناديه بالدلع بتاعك ويناديها بالدلع بتاعك وييجى ادامك يكلمك احلى كلام من وراها يعنى بوشين ومنغير ضمير ولا قلب ولا احساس وكله سمعته بودنى وشفته بعينى والله والله مراااار وحرام وبقول لكل اللى يعمل كده حسبى الله ونعم الوكيل فيه وربنا ينتقم منه وحرام على كل من يعمل كده فى واحده وربنا هيردهاله فى اخته او امه او قريبته او مراته وصاحبتى اللى خانتى وسابتنى عشان انسان خاين هى كمان هيتعمل فيها نفس اللى اتعمل معايا وربنا عمره ما هيستر عليهم ابدا وحسبى الله ونعم الوكيل نعم المولى ونعم النصير ومتاسفه على الرغى الكتير بس ربنا عالم بحالى ادعولى

المثالي جروب said...



شركة المثالية للتنظيف
شركة المثالية للتنظيف بالدمام
شركة المثالية للتنظيف بالخبر
شركة المثالية للتنظيف بالجبيل
شركة المثالية للتنظيف بالقطيف
شركة المثالية للتنظيف بالاحساء

شركة مكافحة حشرات بالجبيل
شركة رش مبيدات بالجبيل
شركة تسليك مجاري بالجبيل
شركة كشف تسربات المياه بالجبيل

المثالي جروب said...



شركة تنظيف منازل بالجبيل
شركة تنظيف بالجبيل
شركة تنظيف بيوت بالجبيل
شركة تنظيف خزانات بالجبيل
شركة تنظيف مسابح بالجبيل

شركة تنظيف مجالس بالجبيل
شركة تنظيف شقق بالجبيل
شركة تنظيف فلل بالجبيل

المثالي جروب said...



شركة تنظيف منازل بالاحساء
شركة تنظيف بالاحساء

شركة تنظيف مجالس بالاحساء
شركة تنظيف فلل بالاحساء
شركة تنظيف شقق بالاحساء

شركة نقل عفش بالاحساء
شركة نقل عفش بالجبيل

المثالي جروب said...



شركة تنظيف منازل بالقطيف
شركة تنظيف بالقطيف

شركة تنظيف منازل بالخبر
شركة تنظيف بالخبر

شركة تنظيف خزانات بالاحساء
شركة تنظيف مسابح بالاحساء
شركة تسليك مجاري بالاحساء
شركة شفط بيارات بالاحساء
شركة كشف تسربات المياه بالاحساء

شركة شفط بيارات بالجبيل
شركة مكافحة فئران بالجبيل

المثالي جروب said...


شركة كشف تسربات المياه بالخبر
شركة مكافحة النمل الابيض بالخبر
شركة تنظيف بالخبر
شركة تنظيف شقق بالخبر
شركة تسليك مجاري بالخبر