Sunday, September 16, 2007

نبا هام هبه اختي هتنشر الكتاب بتاعها بتاع " عمر وساره" يوميات اتنين مخطوبين


ايوه يا ناس اخيرا هتنشر الكتاب الحمد لله طبعا ممكن ناس منكم متعرفش ان هبه هي صاحبة السلسله دي اصلا وكانت بتنشرها على مجلة بص وطل لكن للأسف في ناس سمحت لنفسها تستغل القصه ونجاحها ويكتبوها بأسمهم وانتشرت جدا على النت لدرجة اني كان بيجيلي من اصحابي اجزاء جديده كل يومين وهي اصلا مش بتبعت الأجزاء اللي عندها للمجله علشان متحرقش باقي السلسله الي في الكتاب والغريب اني لقيت ناس بتكتب اعتراضات في النت عن ان القصه بتغلط في الدين وان فيها بجاحه وحاجات عجيبه المهم ان هبه كانت زهقت من الناس اللي سرقت القصه وكانت قررت متكتبش ولا تنشر باقي الأجزاء لكن الحمد لله هي اتعاقدت مع دار نشر وهتنشر القصه والكجله بتاعة بص وطل نشرت الخبر في العدد الجديد وحاطين صورة هبه وهي بتمضي العقد كمان علشان كده عايزكم كلكم تستنوا الكتاب لما ينزل وتقروا وتقولولي رأيكم ايه وانا ممكن ابقى اوزع نسختين تلاته هديه لأصحابي المدونين
اللي عايز يحجز نسخه يبقى يقولي بسرعه
تحديثالكتاب هيتنشر تبع دار نشر "اٌكتب" معلش هو حصل خطأ في اسم دار النشر يا جماعه
وده الأسم الصحيح للدار اللي هتنشر الكتاب وهينزل انشاء الله في معرض الكتاب واحتمال ينزل قبل كده بكام يوم علشان في معرض تاني عايزين يلحقوه المهم انا هابقى احط اللينك بتاع مجلة بص وطل علشان اللي عايز يقرأ التفاصيل كلهاشكرا لكل اللي علق وهنأني اتمنى ليكم كلكم النجاح رمضان كريم

25 comments:

mesh2dra said...

السلام عليكم

مبروووووك لاختك كتير

بس انت ابقى قول الكتاب
نزل ولا لسه
وتبع دار نشر ايه
التفاصيل يعنى

سلاماتي لاختك

mariam said...

الف الف مبرك لهبه
و بالتوفيق انشاء الله
و اتمنى ان تتصدر قائمة اعلى المبيعات

فى انتظار الكتاب

Ehab said...

مش قادره
نورتيني وتسلمي على التهنئه الجميله انا نزلت المعلومات اللي انتي طلبتيها يارب تكون هي الللي بتسالي عنها نورتيني وشكرا فعلا لإهتمامك
________________
مريم
انا بحب اسم مريم جدا
الله يبارك فيكي
ويارب اشوفك دكتوره قد الدنيا وابقي اديني شوية ادويه هديه كده عشان نبقى اصحاب على طول
سلاااااااااااام

barbie girl said...

مبروووووووووووووووووووووووووك

Ehab said...

باربي جيرل
اله يبارك فيكي عقبالك يا ستي
نورتيني
سلااااااااااااااااام

bastokka طهقانة said...

هايل جدا عقبالي انا و طهقان
مبروك

Ehab said...

طهقانه
عقبالك يا طهقانه يارب
الله يكرمك
نورتيني
سلااااااااااااااااام

سفروتة said...

الف الف مبروك لاختك هبة ولو انها متاخرة شوية

وعلي فكرة فعلا زي ماانت قولت اليوميات نزلت علي النت في منتديات كتير ومنهم المنتدي اللي انا عضوة فيه وكنت بتابعها باستمرار لانها فعلا جميلة بجد
بس اللي عايزة اعرفه هي اختك كتبت بعد يوميات اتنين مخطوبين يوميات اتنين متجوزين وبعد كده يوميات بابا عمر وماما سارة؟
تحياتي وربنا يوفقها

Ehab said...

نوري
الله يبارك فيكي ويحفظك
عقبال ما نباركلك على كتابك
اما عن اليوميات هبه كتبت اتنين مخطوبين بس انما متجوزين لأ ولا حتى بابا وماما عموما انا معرفش هي بعد كده هتكتب ايه تاني هل اجزاء تانيه ولا هتكتب سلسله مختلفه
لكن على كل حال شكرا على سؤالك واتشرفت بيكي جدا
نورتيني
سلااااااااااااااااام

el_assel said...

هو أنا ما سمعتش عنها قبل كده
بس أكيد حاجيبها واقراها اول ما تنزل
ألف مبروك
وكل سنة وانتوا طيبين

Ehab said...

el_assel
نورتني يا باشا
الله يبارك فيك ويحفظك
سعيد بزيارتك واتمنى تكون صديق على طول
سلاااااااااااااااااام

Unknown said...

مبروك على الكتاب و النشر و هخي فعلا وصلتني اكتر من مره
ملحوظه سريعه ان شاء الله و ليس انشاء

el_assel said...

أكيد باذنالله حنكون صحاب
وصحاب جامدين قوي كمان
تحياتي يا صاحبي

Ehab said...

mohamed_sobhy84
الله يبارك فيك ومتشكر جدا على الملحوظه
جزاك الله كل خير
اتمنى نكون اصدقاء
نورتني

________________

الأصيل

ماشي يا باشا سعيد بصداقتك جدا
ربنا يجمعنا على الخير دايما
تحياتي يا صاحبي
سلااااااااااااااام

juliet2m said...

مرسي اوي علي اهتمامك وزيارتك ليا

واتمنى ان الزياره دي تتكرر

ومبروووووووووك لهبه

سلامااااااااتي

مدحت محمد said...

ياللا الف مبروووووووك وربنا يجعله وش السعد عليها

el_assel said...

ايه ياعم
انت فين ؟؟؟
لا بتسال ولا حاجة
امال صحاب ازاي

Anonymous said...

فى انتظار الكتاب اهو ناخد فكره عن الخطوبه مسبقه وبالتوفيق ليها يارب

Ehab said...

juliet
الله يبارك فيكي وعقبال ما نشتري كتابك
ربنا يوفقك
نورتيني

____________________________

الأصيل
يا باشا حقك عليه اتأخرت عليك بس انا هاجيلك اكيد انشاء الله هو انا استغنى عن اصحابي الجدعان
سلاااااااام

______________


رئيس جمهورية نفسي

سلام كبير قوي لسعادة الريس يا جدع نورتنا يا باشا
يعني كل المشغوليات دي وجاي بنفسك تزورني
سعيد بزيارتك تحياتي

سلااااااااااااااااااااام

mohamed said...

الف مبروك الكتاب وبجد سلسله تحفة كان في ناس صحابى بيبعتولىالسلسله دى متعرفوش كنت بستناها ازاى من اول لقاء مابينهم واسلوب السرد تحفة بصراحه وان شاء الله هشترى الكتاب لما ينزل السوق

mohamed said...

الف مبروك الكتاب وبجد سلسله تحفة كان في ناس صحابى بيبعتولىالسلسله دى متعرفوش كنت بستناها ازاى من اول لقاء مابينهم واسلوب السرد تحفة بصراحه وان شاء الله هشترى الكتاب لما ينزل السوق

el_assel said...

كل سنـة وانت طيبة
وعـــيد سعيـــد

Unknown said...

هي أختك اللي كانت بتكتبه
أصله كان بيجيلي علي الايميل

حيها جدا بالنيابه عني
ومبروووووووووك ليها بجد
وانها تنزله في كتاب دي خطوه حلوه جدا


وان شاء الله اشتريه

Ehab said...

محمد
تشكرر يا جميل على تعليقك وانشاء الله الكتاب يعجبك
_____________-

الأصيل
وانت بالصحه والسعاده
بس هي مين دي الي طيبه
انا ايهاب يا واد
-------------------

اسراء

ربنا يكرمك
وتحياتي ليكي يا عزيزتي
سلاااااااااااام

Anonymous said...

أعتقد إنها فكرة مش في قمة الذكاء إنك تحطلنا لينك لفايل في برتيشن E:\ على جهاز متوندز
مش كل اللي بيقرالك عنده الفايل ده و في نفس المكان