Tuesday, June 12, 2007

شفايف


المره دي هاتكلم عن الشفايف

ودي عندي هي تاني احلى حاجه في وجه المرأه او في جسدها كله تقريبا بعد العيون ده غير الحاجات التانيه طبعا

وهايجي وقتها نتكلم عنها بعدين الشفايف هي من اكتر الماكن حساسيه وجمال سواء عند الست او حتى عند الرجل لأنه بتحس بالملمس اكتر حتى من الأيدين والشفايف برده انواع في شفايف ممتلئه ومخضبه بالحمره اللذيذه شبه حبة الفراوله تخليك نفسك تقطفها وتاكلها ودي من اجمل انواع الشفايف بس مش معنى كده انها هي وبس اللي جميله انا رايي ان كل شفاه رقيقه بتبقى جميله بس على طريقتها فيه شفايف بتكون مش ممتلئه لكن كأنها فيها انتفاخ بسيط كده من الوسط والشفه العليا بتكون ليها راس محدب بس طبعا مش ناشف بيكون طري خالص ودي برده بتكون جميله قوي الفكره اللي عايز اقولها ان مش مهم شكل الشفايف ولا حاجه المهم الشخص صاحب الشفايف انا مش عايز اتكلم عن جمالها كجزء من الجسد انا عايز بس تفهموا جمالها كمخرج لتعبيرات النفس مخرج لأفكارنا وابتسامتنا واحلامنا يعني لما تبص على شفايف بنت هتعرف منها ابتسامتها تقصد بيها ايه ساعات مكسوفه وساعات مجامله مش مبلوعه وممكن تعرف منها اذا كانت مأموصه منك وخليك فاكر ان لمسه من ايدك على شفايف حبيبتك بيكون ليها معني جميل واحساس هايل وهي برده لما تمر بإيدها على شفايفك وتتحسسهم برقه هتحس بمتعه بريئه وجميله قوي ومتنخدعش في الماكياج اجمل شكل للشفايف وهي من غير اي رتوش او الوان بتكون رقيقه قوي وحنينه

انا مش هاتكلم كتير المره دي عشان انا لغيت كلام كتير لقيته مالوش لازمه

بس ياريت فعلا نعرف يعني ايه شفايف

29 comments:

Mirage said...

ايه يامعلم الكلام الجامد ده بس

ده انا شفايفى دخلت على الشاشة وكانت عايزة تبوسها
:)

اتفضل اسألنى على اى حاجة انت عايزها يامان

:)

Doba said...

يا سيدى البيه
انا جبت الدردل والمية وهروح انضف الدكك والقاعات وامسح الارض واسلك البلاليع----أيتوها خدمة تانى سعادتك

شكلى كده هترفد من الجامعة دى اصلى مش عارفة اعمل ايه بس ولا ايه

قطيييييييييييييييييعة يقطع العلام وسنينه

جميل البوست يا شنكتكت المرة الجاية هتتعب اعصابنا بأيه بقى؟؟؟ أما نشوف

سلاموز------هوبا

shahy said...

اقولك حاجة وماتزعلش

انت مبالغ قوي في وصفك
يعني لو لقيت بنت اخلاقها كويسة وفيها صفات كتير حلوة لكن شفايفها وحشة
مش هاتعجب بيها وتتجوزها علشان السبب دة
انا اعتقد ان الجمال بيبقى في الروح مع الشكل المقبول طبعا ولو كل واحد دقق على تفاصيل صغيرة كدة احب اقول لك انكم هاتعنسو انتم والبنات اللي شفايفها مش ولابد

سلام يا مان

الشنكوتي الكبير said...

ميراج
نورت يا زوق واتفضل طبعا خش على الشاشه على راحتك بوس يا عم بوس ولا يهمك
تحياتي على بوستك الجميل الجديد
وبخصوص الأسئله هابعتها غلى الأيميل
__________________________
دوبه هبهوبه
ايوه كده حللي التلتميت ملطوش اللي بنديهوملك كل شهر يا بنت الأيد البطاله نجسه
ميرسي يا سكر على المجامله وليكي عندي علاوه عشان البقين الحلوين دول نورتيني جدا ووحشتني كومنتاتك
__________________________
شاهي
يا شاهي يا جميله مين قال بس كده انتي فاكره ان الجمال عباره عن نسخه واحده مكرره بالكربون ومفيش غيرها انا لما احب بنت فعلا ولو كانت اصلا من غير شفايف هاتخيل ان الجمال كله هو ان الواحده ميكونش عندها شفايف عشان الواحد لما بيحب حقيقي مش بيكون عشان شكلها ايه او مواصفاتها ايه هي بتيجي كده غباوه وساعتها بتكون شفايفها هي احلى شفايف في الدنيا يعني الحب بيجي قبل ما نعرف هي الشفايف حلوه ولا لأ
وربنا يسعدك ويخليكي
وتيجي دايما تنصحينا يا جميله
تحياتي ليكي
_________________________
اسف يا جماعه على تأخير الرد عشان كنت مسافر البلد
سلااااااااااااااااااااااااااااااااام

shahy said...

ايوة كدة
انا كنت فاكراك سطحي وبتبص للبنات نظرة من الخارج فقط
طلعت عاقل
وبعدين هي بلدكو دي مافيهاش فطير مشلتت
امال راجع ايدك فاضية لية؟
سلام
وهاستنى الفطير

الشنكوتي الكبير said...

يا بنتي لو كنت ببص للبنات نظره سطحيه كان زماني ارتحت من زمان ومكنتش هادور على دراسة البنات وافكارهم واهتمامتهم ومشاعرهم ومكنتش حاولت اني افهمهم كنت هاعتبرهم جسد وخلاص
ايه رأيك فيه بقى شوفيلي شغلانه يكون فيها بنات كتير
وبعدين احنا عملنا قرص عشان احنا كان عندنا جنازه يعني مكانش في فطير المره دي
تاخدي قرصه وتقعدي ساكته
سلاااااااااااااااااااااااام

shahy said...

ياسلام
قرص قرص
اهي حاجة من ريحة البلد وخلاص
وياسلام بقى لو كان بالسمنة البلدي واللبن الله الله
جريت ريقي
انا هاقوم اعمل كباية شاي بلبن واستنى القرص
سلااااامات

الشنكوتي الكبير said...

ماشي يا ست شاهي ايه رأيك انك كده دبستي نفسك لازم تيجي تاخدي القرص حددي المكان والزمان وانا اجيبهملك ليكي انتي والعيله كمان شوفي عايزه كام واحده وانا اجيبلك
ده انتي تأمري يا جميله
بس الله يباركلك ممكن كوباية شاي بلبن انا كمان عشان نقعد نسقي
سلااااااااااااااااااااااااام

emos said...

allah yeksefak
ana gebt alwan el teef
tab matetkalem 3an 2anwa3 el sha7'seyat 2agda3 men el 2e7rag dah
howa ana 2a7ayeek 3ala sara7tak
bs enta keda betbawaz 2a3sab el nas

narfeztenyyyyyyyyyyyyyyy :)

الشنكوتي الكبير said...

emos
ليه بس كده يا ايموس ده انا قولت ان انا الوحيد اللي مش هينرفزك
على العموم عشان خاطرك انا هاتكلم عن الشخصيات وانتي اللي جبتيه لنفسك استحملي الصراحه بقى
ده الشخصيات فيها اللي اكتر من كده يا باشا
على العموم نورتيني جدا وشرفتيني فعلا
تحياتي سلاااااااااااااااااااااااااااام

emos said...

la2 maho enta 2etkalem 3ala el sha7'seyat fe 7edood 3adam tabweez el 2a3sab ok?

3ashan teb2a ammooor w ma7adesh yetnarfez mennak
fol?

Rodrigo said...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

Rodrigo said...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

Té la mà Maria said...

please visit, thank

نفسنا said...

ندعوكم لمشاهدة العدد الثانى من مجلة نفسنا

shahy said...

اين انت يا استاذ؟
كل دة بتجيب القرص
انا خلاص فضيت
والجلاء تمّ والحمد لله
انت رحت فين بقى؟
سلااااااام

الشنكوتي الكبير said...

شاهي
انا اللي فين برده يا سوسه
يعني الحمد لله الضيوف مشيوا خلاص
يارب تكوني فضيتي لينا وللمدونه شويه
عموما حمد الله على السلامه
بس والله مش عارف اديكي القرص ازاي ده في كمان فطير المره دي
بصي انا هاسيبهم على باب الجامع اللي بتصلي فيه وابقي انتي عدي الفجر خديهم
عشان مش ينفع ابعتهم في الأيميل السمنه هاتدهولي الصفحه
سلااااااااااااااااااام

Dalia said...

ايه الموضوع الجامد ده. انا بقالى كتير ماعديتش هنا بس بجد بوست تحفه

انا معاك ان الشفايف بعد العيون و برضه بحس ان مافيش شفايف وحشه

بجد انا مش عندى كلام ازوده اكتر من اللى انت قلته

ايه الرومانسيه دى كلها

الشنكوتي الكبير said...

داليا
فعلا يا دوللي مفيش حاجه اسمها شفايف وحشه الكلام اللي بيخرج منها او التكشيره الذياده او التأفف هم اللي بيوحشوها
وبعدين يا ستي اخجلتم تواضعنا
تحياتي يا جميله
سلاااااااااااااااااااااااااام

shahy said...

انت يا ابني
هو انا كل لما اجي عندك الاقي موضوع الشفايف دة
غير بقى
زهقتنا
خلاص خلصت الكلام مفيش جديد
امال انت بتعمل اية دلوقت
هاتقول في الشغل
سيبك من الكلام الفاضي دة خليك في المدونة بتاعتك
يالا باي

MiMi said...

الموضوع فيه شفايف وحركات وفطير وقرص ومرتب ،
يعني باختصار بوست فيه كل حاجة ، اكل وحب ومرتب كمان ،، عيشة جامدة جدا معاكواوكلنا عارفين الصلة الوطيدة بين الشفايف والفطير ، حاجة بديهية يعني......
احيانا فيه كلام الشفايف مش بتقدر تقوله ،، مش كده ولا ايه؟

الشنكوتي الكبير said...

mimi
يا ميمي يا جميله نورتي
وبعدين يا ستي الفطير ده ليه قصه تانيه
عشان انا غبت يومين في البلد فسألوني فين الفطير بتاع البلد مادمت كنت هناك
وعموما ابقي خديلك حتة فطير
سلااااااااااام

Anonymous said...

وحشتنا يا عم فينك؟

Anonymous said...

انا ....
بحبك وبتابع كل كلامك ،
وبشوفك لو حتي انا مش قدامك
تعرفني او متعرفنيش
... ده ما يهمنيش
انا حبي ملوش عنوان

Doba said...

سيدى يا سيدى عالمعاكسات اللى اون لاين - شكلى كده هفتن عليك ل ش ش ش - دى رموز عشان محدش يفهم

بس فيها لخفيها - قول الحق وانا مش هضربك - هعملك بانش زى مبعاقب يوسف وخلاص - قول قول -انطق اتكلم

سلاموز --- هبة

الشنكوتي الكبير said...

دويه يا نورعيوني
اوعي تفتني دول ناس طيبين وبيعاكسوني بس انا مش عملت حاجه
وحشتيني موت
سلاااااااام

Anonymous said...

ايه الهبل ده؟؟؟؟؟؟؟

Anonymous said...

فين القلب و الروح هو احلي حاجة الشفايف هبل فعلا

الشنكوتي الكبير said...

any mouse
شكرا يا عزيزي على رأيك الجميل
انا ساعات بحب الهبل ده
شكرا لمرورك الكريم
سلاااااااااااااااااام